و فيما يلي نص النداء:

مش بس كرمال رفيق الحريري وباسل فليحان وسمير قصير وجورج حاوي وجبران تويني وبيار أمين الجميل ومروان والياس ومي وكل الشهدا اللي سقطوا، كمان كرمال لبنان،كرمال ولادنا،كرمال وجودنا،كرمال حريتنا واستقلالنا،كرمال الحقيقة والحق بدنا نلتقى يوم الاربعا بساحة الحرية،ساحة الشهدا.

هيدا نداء رفيق الحريري إلكن جميعا.في ناس عم بيراهنو أنو الذكرى السنوية التانية حتكون دليل على أنكن نسيتو،رفيق الحريري بيدعيكم باسم كل لبنان انو تفرجوا العالم،أنو لبنان ما بينسى شهداؤه،رفيق الحريري بيدعي أهلنا ببيروت أهلنا بأحلى العواصم للاجتماع بقلب بيروت.

بيروت ناطرة كل شخص،كل عائلة، كل شاب كل صبية كل عامل كل فلاح كل طالب،كل واحد حب رفيق الحريري وشاعر اليوم بحجم غياب رفيق الحريري.

بيروت بتدعيكم، باسم رفيق الحريري أنو تنتصروا للحقيقة،للعدالة، للشرعية، وللمحكمة الدولية.

بيروت بتدعيكم لحماية كرامتها،ورفع الظلم عن قضيتها.

بتدعيكم بيروت إلى قلبها،يوم الأربعا 14 شباط،ليكون يوم الانتصار على الفتنة والانتصار على الفوضى، يوم انتصار العدالة والحرية والديمقراطية.

ساحات بيروت ناطره أهل بيروت،وناطره أهلنا من الجنوب وصيدا واقليم الخروب والشوف والمتن وكسروان وكل جبل لبنان ناطره أهلنا من البقاع الغربي والاوسط والشرقي أهلنا من سعدنايل وعرسال والفاكهة ناطره الأهل والأحباب من عكار وطرابلس وزغرتا والبترون والمنية والضنية وبشري والقلمون.

14 شباط متل ما معنا روح رفيق الحريري،نحنا حنكون مع روح رفيق الحريري،وباسل فليحان وبيار أمين الجميل وجبران تويني وجورج حاوي وسمير قصير،وكل شهدا الحرية ومعنا قضية الحق وقضية العدالة وقضية السيادة وقضية الشرعية،قضية لبنان.